Mayordomia

Departamento di Mayordomia

 

Declaracion di Mision

Enfatisa e señorio di Dios integrando e evangelio den e estilo di bida, motivando tur pa ta mayordomonan fiel y facilita sociedad cooperativo cu Dios .  

Declaracion di Filosofia

Mayordomia ta un estilo di bida, caminda un persona ta acepta e señorio di Dios y ta traha den sociedad cu Dios, como un administrador di Su negoshi akin a tera. Mayordomia a cuminsa cu e mesun acto di creacion, Dios a crea Adam y Eva den su mesun imagen. Atrabes di esei E’la establese un relacion intimo cu mester florece atrabes di tempo cu ta wordo dedica cun’E. E imagen di intimidad comparti, ta fundamental pa nos compronde e principio di Mayordomia Biblico.

Mayordomia Biblico ta representa un asunto di relacion y no financiero.

Nos ta adora Dios y ta reconoc’E como Señor atrabes di nos fidelidad den debolbe un diesmo fiel. Nos ta admiti atrabes di esaki, cu tur loke nos tin ta pertenece na Dios. E ta exigi di nos pa dun’E  señorio den e uso di nos “Tempo” como tambe nos posesionnan materialistico.

Den e manera aki, Mayordomia tin di haber cu tur aspect di estilo di bida Cristian. E ta prove e fundeshi y motivacion pa testimonio y ministerio.

Proposito y Funcion

E departamento di Mayordomia di Mision Aruba ta compromiti pa “capacita cada miembro pa responde na e gracia di Dios dor di dedica turn a Dje. Nos responsabilidad ta involucre mas cu simplemente plaka. E ta inclui, pero no limita na, e cuido apropia y uso di nos curpa, mente, tempo, habilidad, don spiritual, relacion, influencia, idioma, e ambiente y posesion materialistico.